Gootgemootj ... Chronologie van ’n kepèlke

Deîl 1: aanloûpfase

• 1989

Oppe jaorvergadering van ”VV de  Zumpers” (2 april 1989) kwoom ’t idee um ’n hermenieke te beginne. Roel Janssen – muzikânt/trompetist, oetbater vanne Microbar en  eigenaar van ’n e meziekwînkel- woeërt benaderdj um ’t gezelschap muzikaal te gaon vorme.

In mei ’89 startdje de ieërste 16  lede mét de mezieklésse… en met ’n ieërste optraeje in ‘t vroetzicht. Op Mien Theunissen  d’r 50ste verjaordaâg spuuëldje ze trots “Lang zal ze leven”.

Waekeliks woeërt d’r driftig gerippetieërdtj (in o.a. de Microbar, De Stegel, Kefee de Sport, de Raodskêlder). Met ’n bepêrktj rippertoire  woeërt de vastelaovundj in gegânge.

Deîl 2: 1993 – 2004; de ieërste 11 jaor.

• 1993

Vanaaf 1 jannewari 1993 gieët ’t meziekgezelschap wieter aonger de naam “Kepel Gootgemootj”. D’r wurtj flînk aan de wieëg getummerdj . Met ’t vastelaovundjsezoen és Gootgemootj vanne parti-j vör begeleiding van de verschillendje vastelaovundjvereiniginge, optraejes en optochte.

• 1994

In det jaor ontstieët ’t idee um  same met “de Schoeënwaerblaozers” ’n laaif-CD op te neême. ’n Jaor lânk wurtj d’r intensief gerippetieërdj. Doeër al det rippetieëre wurtj ’t muzikaal nivo baeter.

• 1995

Op 15 oktoeëber 1995 vaonge de laaif-opnames plaats in ’t toenmalig  rippetisielokaal “Zaal Beatrix”; laaif…mét ’t mejgâlderendje pebliek. En op 24 november woeërt ‘t ieërste exemplaar van de cd “Wieërters echte” aan aod-Vorst Ton (Peeters) oeëverhândigdj tiêdes ’n offisjeel prizzentasie.

As kepèl és  Gootgemootj vörâl vanne parti-j mét de vastelaovundjsezoene. Van Bônte Aovundje (beej Rogstaekers en Zweeloeëre) tot blaosspektakels; as det d’r mer meziek gemaaktj kan waere.  Jaorliks trökkieërendj waere de oeëpenbare rippetisies van Gootgemootj.

• 1997

Gruuëts és de kepèl,  um as “preensekepèl” te moge spuuële oppe preensewage van Preens Peter II (Beelen) tiêdes de Rogstaekeroptocht.

In 1997 kumptj de kepèl met 'n foto in de "Wieërter Kalender".

Doeër de jaore haer óngergieët de kepèl ’n metamorfose; lede stopdje en now lede deendje zich aan. ‘t “Hof van Leuken” és de now lokasie woeë det d’r gerippetieërdj wurtj.

• 2004

Op volle stêrkdje en mét ’n now rippertoire stórtdje Gootgemootj (in now kepèlpék) zich ‘t 1 x 11 jubileumjaor in. 

In “Kefee de Hermeni-j”, mét ’n binne- en boêtepodium , gong ‘t daak d’r aaf tiêdes ’t fantastische jubileumfieëst.

[Blaât vroet]