Deîl 3: 2005 – 2015; de twieëdje 11 jaor.

Met ’n nowwe dirigênt  -Ivar Maessen -, ’n now rippetisielokaal (“Kefee de Hook”) en passie, greutj de kepel uut tot de flînke groep. Haard wurtj d’r gewêrktj aan now rippertoire en now ideeën. “Ut Daak d’r aaf”; Gootgemootj’s meziekspektakel gieët ’n jaorliks trökkaomendj  evenemênt waere oppe zoondigmiddig nao “de nacht vanne de nowwe preens”.  En “ ’t Muntespektakel” tiêdes de groeëte rogstaekeroptocht beej Munte tieëgenoeëver aanne Busseng és d’r ouch zoeë ein.

• 2006

Gootgemootj levertj ’n beejdraage aan de CD “Dootj d’r nog viêf” ter ieëre van  viêf jaor “Bieële” in Kefee de Hermeni-j.

Naeve de muzikale klânke zeen de spesjale aktiviteite ‘n kinmêrk gewoeëre van kepèl Gootgemootj. Uutgegruudj nao 22 persoeëne en mét ’n neet alledaagse bezétting vör ’n blaoskepél (met trékzak, basgitaar en zâng) gieët Gootgemootj flînk doeër.

• 2008

Um nog mieër nao boête herkinbaar te zeen kaome d’r now kepelpakke.

• 2009

Tiêdes “Ut Daak d’r aaf” van det jaor wurtj de now CD "Waat bin ich bli-j” geprizentieërdj. Heejop stieët aonger ângere ”de Muntebalade”. Midde in ’t vastelaovundjsezoen és dao ‘t “Hoeëg vanne Toeëre Blaoze”; van boeëvenop de Sint Martinustoeëre brînge Gootgemootj en stadsbeiaardier Frank Steijns same înkele vastelaovundjnummers ten gehuuëre.

Kepél Gootgemootj keumtj as winnaar uut de bös beej
de ieërste editie van de “ Slaag um de mêrrentj”

.

Ouch nog det jaor zeen ve vanne parti-j beej ‘t “Bambitreffe” en ’t “Oktoberfest” in ’t bekindje Wieërter kefeeke inne Muuëlestraot.

• 2010

Mét  de mejwêrking van de verschillendje Wieërter artieste maaktj de kepèl de CD  “Gootgemootj de Vastelaovundj in”. Heej staon twieë eige geschrieëve nummers op. Eîn van de twieë; “Köpke pien”,  véltj zoeë good dét ve gevraogdj waere um in de Venlose Zoepkoel op te traeje. Sjiek!

Dit jaor staon d’r nog verschillendje optraejes op stapel: Nederlands groeëtste kepellefestival in Bemmel (mieër dan 200 kepelle doon daoaan mej), de wiênfieëste in Ediger-Eller (D) en ’t Wieërter Oktoberfest.

Gootgemootj stieët dudelik in bluj. Eur muzikaliteit en interaksie mét publiek zeen twieë stêrke ingrediênte. Heej wurtj waekeliks haard aan gewêrktj. En det alles vör de lôl en flawwekûl .

[Blaât trök]